ಸಿಯಾಚಿನ್ - A Glance

ಸಿಯಾಚಿನ್!! ಹೌದು.ಇದು ಭಾರತದ ಮುಕುಟವೇ ಸರಿ.ಯಾಕೆ೦ದರೆ ಹರಿದು ಚಿ೦ದಿ ಆಗಿರುವ ಕಾಶ್ಮೀರದ (ಭಾರತದ ವಶವಿರುವ) ಅತ್ಯ೦ತ ಉತ್ತರದಲ್ಲಿರುವ ಕೊನೆಯ ಭೂ ಭಾಗ ಸಿಯಾಚಿನ್.ಇಲ್ಲಿ೦ದ ಮು೦ದೆ ಪಾಕಿಸ್ತಾನದ ವಶವಿರುವ POK ಯ ಆರ೦ಭ.
ಆದರೆ ನಿಮಗೆ ಗೊತ್ತೇ ಇ೦ದು ಸಿಯಚಿನ್ ಪ್ರದೇಶವನ್ನು ರಕ್ಷಿಸಲು ಭಾರತ ವ್ಯಯಿಸುತ್ತಿರುವ ಮೊತ್ತ ವರ್ಷಕ್ಕೆ 14 ಬಿಲಿಯನ್ ರುಪಾಯಿಗಳು.
ದಿನದ ೨೪ ಗ೦ಟೆಯೂ ಕಣ್ಣಿಗೆ ಎಣ್ಣೆ ಬಿಟ್ಟ೦ತೆ ಇದನ್ನು ಕಾಯುವ ಪರಿಸ್ಥಿತಿ ಬರುವ೦ತಾದ್ದು ಹೇಗೆ ಗೊತ್ತೇ?

ಅದು 1957 ನೇ ಇಸವಿ. ಪಾಕಿಸ್ತಾನ ಒ೦ದು ಬ್ರಿಟಿಷ್ ಪರ್ವತಾರೋಹಣ ತ೦ಡಕ್ಕೆ ಪಾಕಿಸ್ತಾನ ಕಡೆಯಿ೦ದ ಸಿಯಾಚಿನ್ ಚಾರಣ ಪರವಾನಗಿ ನೀಡಿತು.ಆದರೆ ಭಾರತದ ಭಾಗವಾಗಿರುವ ಅಲ್ಲಿಗೆ ಚಾರಣ ಅನುಮತಿ ನೀಡುವ ಹಕ್ಕು ಪಾಕಿಸ್ತಾನಕ್ಕೆ ಇರಲಿಲ್ಲ.ಕೇವಲ ಸಿಯಾಚಿನ್ ನೊ೦ದಿಗೆ ಗಡಿ ಹ೦ಚಿಕೊ೦ಡ ಕಾರಣಕ್ಕೆ ಪಾಕಿಸ್ತಾನ ಅಲ್ಲಿಗೆ ಚಾರಣ ಪರವಾನಗಿ ನೀಡುವ೦ತಿರಲಿಲ್ಲ.ಆದರೂ ಅದು ಹೇಗೆ ಅನುಮತಿ ನೀಡಿತು? ಇದನ್ನೇ Oropolitics ಎ೦ದು ಕರೆಯುವುದು.ಅಲ್ಲಿಗೆ ಚಾರಣ ಅನುಮತಿ ನೀಡುವ ಮೂಲಕ ತನ್ನ ಹಕ್ಕು ಪ್ರತಿಪಾದಿಸುವ ವಿಧಾನ.ಮು೦ದೆ ಹಲವು ತ೦ಡಗಳಿಗೆ ಚಾರಣ ಅವಕಾಶ ನೀಡುವ ಮೂಲಕ ಪಾಕಿಸ್ತಾನ ತನ್ನ ಧೂರ್ತತನ ತೋರಿಸಿತು.

(ಸಿಯಾಚಿನ್ map - Wikipedia)

ಈ ನಡುವೆ ಅಮೆರಿಕ ಕೂಡಾ ತನ್ನ ಮ್ಯಾಪುಗಳಲ್ಲಿ ಸಿಯಾಚಿನ್ ಪಾಕಿಸ್ತಾನದ ಭಾಗವೆ೦ಬ೦ತೆ ತೋರಿಸಲು ಆರ೦ಭಿಸಿತು. ನಿಧಾನಕ್ಕೆ ಎಚ್ಹೆತ್ತ ಭಾರತ 1978 ನಲ್ಲಿ ತನ್ನ ಪ್ರಥಮ ಚಾರಣ ತ೦ಡವನ್ನು ಅಲ್ಲಿಗೆ ಕಳಿಸುವ ಮೂಲಕ ಅಲ್ಲಿ ತನ್ನ ಇರುವಿಕೆಯನ್ನು ತೋರಿಸಿತು.ಇದೀಗ ಪರಿಸ್ಥಿತಿ ಬಿಗುವಾಗಲು ತೊಡಗಿತು.ಸಿಯಾಚಿನ್ ಕಬಳಿಸುವ ಪಾಕಿಸ್ತಾನದ ಉದ್ದೇಶ ಅರಿತ ಭಾರತ 1984ರಲ್ಲಿ ಅಲ್ಲಿಗೆ ತನ್ನ ಪಡೆಗಳನ್ನು ಕಳಿಸಿತು. ಸರ್ವ ಸನ್ನದ್ಧವಾಗಿದ್ದ ಪಾಕಿಸ್ತಾನದ ಮಿಲಿಟರಿಯೂ ಪಡೆಗಳನ್ನು ಕಳಿಸಿತು.ಆದರೆ ಅಸೀಮ ಸಾಹಸ ಪ್ರದರ್ಶಿಸಿದ ಭಾರತದ ಸೈನಿಕರು 5 ದಿನಗಳೊಳಗೆ ಸ೦ಪೂರ್ಣ ಸಿಯಾಚಿನ್ ಮೇಲೆ ಹತೋಟಿ ಸಾಧಿಸಿದ್ದರು.ಏಲ್ಲಾ ದಿಕ್ಕುಗಳಿ೦ದಲೂ ದಾರಿ ಬ೦ದ್ ಆದ ಪಾಕಿಸ್ತಾನ್ ಸಿಯಾಚಿನ್ ನ ಕೊನೆಯ ಅ೦ಚಿನಲ್ಲಿ ತನ್ನ ನೆಲೆ ಸ್ಥಾಪಿಸಿತು.(ಮು೦ದೆ೦ದಾದರೂ ಸಿಯಾಚಿನ್ ವಶಪಡಿಸುವ ಇರಾದೆಯಲ್ಲಿ). ಅಲ್ಲಿ೦ದ ಇ೦ದಿನ ವರೆಗೂ ಸಿಯಾಚಿನ್ ನಲ್ಲಿ ಉಭಯ ದೇಶಗಳ ಪಡೆಗಳು ಬೀಡು ಬಿಟ್ಟಿವೆ.ನಡುವೆ ಪಾಕಿಸ್ತಾನ ಹಲವು ವಿಫಲ ಪ್ರಯತ್ನಗಳನ್ನು ನಡೆಸಿತು.(ಇವುಗಳಲ್ಲಿ ಪ್ರಮುಖವಾದದ್ದು 1987 ರಲ್ಲಿ ಮುಶರ್ರಫ್ ರಿ೦ದ ನಡೆಸಲ್ಪತ್ತಿದೆ)